Қазақстанда қай қалалар ауылға айналуы мүмкін?

Ұлттық Экономика министрі қай қалалардың ауылға айналатынын айтты деп хабарлайды Orda.kz порталы TengriNews-ке сілтей отырып.

Министрліктің баспасөз қызметі ауылға айналуы мүмкін қалалардың тізімін ұсынды.

«Елді мекендердің мәртебесін өзгерту мәселелерін сол елді мекен тұрғындарының пікірін ескере отырып, аудан өкілдігі және атқарушы органдардың ұсынысы бойынша облыстық өкілдік пен атқарушы органдар (мәслихаттар мен әкімдіктер - еск.) қарайды» делінген меморган жауабында.

Ауылға айналуы мүмкін қалалар қатарында Ақмола, Ақтөбе, Қарағанды, Қызылорда, Маңғыстау, Абай облыстарындағы, сондай-ақ Солтүстік Қазақстан және Шығыс Қазақстан облыстарының қалалары бар:

• Шар (Абай облысы, Жарма ауданы) – 6500-ге жуық адам;
• Степняк (Ақмола облысы, Біржан сал ауданының әкімшілік орталығы) – 4 мыңнан аса адам;
• Державинск (Ақмола облысы, Жарқайың ауданы, аудан орталығы) – 7 мыңға жуық адам;
• Жем (Ақтөбе облысы Мұғалжар ауданы) – 1 мыңнан аса адам;
• Темір (Ақтөбе облысы Темір ауданы) – 2207 адам;
• Қарқаралы (Қарағанды ​​облысы Қарқаралы ауданының әкімшілік орталығы) – 9 мыңнан аса адам;
• Қазалы (Қызылорда облысы, Қазалы ауданы) – 7 мыңнан аса адам;
• Форт-Шевченко (Маңғыстау облысы Түпқараған ауданының әкімшілік орталығы) – 9 мыңға жуық адам;
• Булаево (Солтүстік Қазақстан облысы Мағжан Жұмабаев ауданының әкімшілік орталығы) – 8567 адам;
• Мамлютка (Солтүстік Қазақстан облысы Мамлют ауданының әкімшілік орталығы) – 6976 адам;
• Сергеевка (Әкімшілік орталығы, Солтүстік Қазақстан облысы, Шал ақын ауданы) – 8126 адам;
• Серебрянск (Шығыс Қазақстан облысы, Алтай ауданы) – 7005 адам.