Қазақстанда электронды лездік лотереяларды сататын терминалдар жұмысы тоқтатылды

Қазақстанда электронды лездік лотереяларды сататын терминалдар жұмысы тоқтатылды.

Бұл туралы Туризм және спорт министрлігінің баспасөз қызметі хабарлады.

«Азаматтардан және мемлекеттік органдардан келіп түскен дабылдарға жауап ретінде Қазақстан Республикасы Туризм және спорт министрлігі 2023 жылы екі рет – мамыр және қараша айларында лотерея операторы – «Сәтті Жұлдыз» АҚ-на лото клубтары мен электронды лездік лотереялар ұйымдастыруды жақсарту бойынша ұсыныстар жіберді. Министрліктің 20 қаңтардағы соңғы ұсынысына сәйкес, 30 қаңтардан бастап лотерея операторы республика бойынша Lotomatic терминалдары/дүңгіршектер арқылы электронды лездік лотереяны таратуды уақытша тоқтатты» делінген хабарламада.

Дегенмен, Туризм және спорт министрлігі кейбір жерлерде ресми «сары-көк» Lotomatic терминалдары ретінде көрнекі түрде стильдендірілген контрафактілік машиналар жұмыс істей беретінін жоққа шығармайды.