Қазақстанда хиджаб пен басқа да діни киім киюге тыйым салынуы мүмкін
Қазақстанда хиджаб пен басқа да діни киімдерді қоғамдық орындарда киюге тыйым салынуы мүмкін. Бұл туралы Астанада өткен брифингте Мәдениет және ақпарат министрі Аида Балаева мәлім етті.
Оның айтуынша, Қазақстанда діни мәселе ұшығып барады. Елді агрессивті исламдандыруға биліктің назарын аудару үшін депутаттар тарапынан бірнеше сауалдар жолданды. Алдағы уақытта Мәдениет министрлігі жаңа заң жобасын әзірлемек.
«Бүгінгі таңда дін мәселесі өте өзекті болып отыр. Мәселе халықтың діндарлығында емес, діни сауатсыздықта. Дәстүрлі емес діни ағымдардың дәстүрлі ағымдармен қатар белсенді жұмыс істеп жатқанын көріп отырмыз. Сондықтан министрлік үш бағытта жұмыс істеп жатыр. Бұл деструктивті материалдарды анықтау үшін әлеуметтік желілерге тәулік бойы мониторинг жүргізу (...). 1 қаңтардан қыркүйектің соңына дейін терроризм мен діни экстремизмді насихаттау қағидаттарын қамтитын 14 860 материал анықталды», - деді Балаева.
Ол бұл іске теологтар, жұртшылық, сарапшылар мен қоғамдық ұйымдар жұмылдырылатынына уәде берді. Еліміздің «Дін туралы» заңы да өзгереді. Ол қатайтылуы мүмкін. Атап айтқанда, қоғамдық орындарда хиджаб киюге тыйым салу.
«Кем дегенде қоғамдық орындарда. Мен бұл тәжірибені бүкіл әлемде көріп отырмын, өйткені бұл ұлттық қауіпсіздігіне қатысты мәселе. Қоғамдық орындарда бетін жауып алғандарды тану өте қиын. Бұл тағы да қоғаммен бірлесіп зерттелетін болады. Ал біз уәкілетті орган ретінде осы бағыттағы жұмысымызды күшейтіп, заңнаманы қатайтатынымыз анық», - деп қосты министр.
Сенатор Нұртөре Жүсіп Мәжілістегі әріптесі Ермұрат Бапидың пікірінен кейін Қазақстанның өте тез жылдамдықпен әсіредіншіл болып бара жатқаны туралы мәселе көтерді. Оның айтуынша, елде жақсы ұстаздар мен имамдар жетіспейді.
Ал осыдан сәл бұрын Мәжіліс депутаты Ермұрат Бапи Қазақстанның қарқынды радикалдануын байқамайтын үкімет саясатын сынап, қоғамда діни идеологияның күшейіп бара жатқанына алаңдаушылық білдірген болатын.
Жаңалықтар
- АҚШ жер серіктеріне шабуыл жасау үшін ғарышқа қару орналастыруды жоспарлап отыр
- Қызылжардағы су басқан үйлердің 80 пайызға жуығы техникалық байқаудан өтті
- Алматыда 1 маусымға дейін Mass Alert сейсмикалық ескерту жүйесі енгізіледі
- Журналист жалаңаш бейнетүсірілімі үшін мемлекеттік органнан өтемақы өндірді
- Бішкекте шетелдіктерге қарсы наразылық күшейе түсті
- Қазақстан бүгін АҚШ құрамасымен хоккейден әлем чемпионатында кездеседі
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады