Қазақстанда «ең бай» зейнеткер айына қанша алады?

Еңбек және халықты әлеуметтік қорғау министрі Светлана Жақыпова Қазақстандағы «ең бай» зейнеткер туралы айтты, деп хабарлайды Orda.kz порталы.

Журналист министрден «Қазір 750 мың теңге зейнетақы алатын адам бұрын қанша жалақы алған?» деп сұрады.

Алайда Жақыпова ең көп зейнетақы иесінің бұрын қанша жалақы алғанын айта алмайтынын алға тартты.

«Оның 1998 жылдан бері жоғары жалақы алатын лауазымдарда жұмыс істегені рас. Шамасы, ол максимал мөлшерде төлем жасаған. Меніңше, ол конвертпен алмай, әр жалақысынан 10 пайызды тікелей аударып, осындай зейнетақы алып отыр. Бәрінде осындай зейнетақы болсын деп тілеймін», - деді Светлана Жақыпова.

2023 жылы елімізге 3,3 триллион теңге зейнетақы төленген.