Қазақстанда доллар бағамы көтерілді

Қазақстанда доллар бағамы қайтадан көтерілді, қор биржасындағы KASE күндізгі саудасының қорытындысы бойынша доллардың орташа сараланған бағамы 0,88 теңгеге көтеріліп, 447,53 теңге болды, деп хабарлайды Orda.kz порталы.

Айта кетейік 2 сәірде бір доллардың бағамы 446,56 теңге болды.

kurs.kz мәліметінше, дәл қазір Алматы қаласының ақша айырбастау пункттерінде долларды сатып алудың орташа бағамы 447,87 теңге, сатылымы 449,31 теңге болып отыр. Астана қаласындағы ақша айырбастау орындарында америкалық доллар орта есеппен 447,01 теңгеден сатып алынып, 451,98 теңгеден сатылып жатыр.