Қазақстанда бір жылда қазы мен жая қымбаттаған

Қазақстанда қазы бір жылда 5%, жая 3% қымбаттады. Жылқы еті өндірісі азайды. Бұл туралы energyprom.kz хабарлады.

Биыл ақпанның соңында жылқы еті бір жылда 4,3% қымбаттады. Атап айтқанда, қазы 4,8%, жая 2,5% қымбаттаған.

Жылқы еті ең көп Павлодар облысында қымбаттады — бір жылда 10,8%-ға. Одан кейін Ақмола (9,8%) және Маңғыстау (9,6%) облыстарында.

Бағаның ең аз өсімі Астанада байқалды: бар болғаны 0,7%. Бұл ретте Шымкентте бір жылда 4,6% арзандаған.

Биыл қаңтарда елімізде 281 тонна жаңа жылқы және жылқы тектестер еті өндірілді, бұл бір жыл бұрынғыдан 7,3% аз. Бұл ретте мұздатылған ет өндірісі бір жыл бұрынғы 13 тоннамен салыстырғанда небәрі 8 тонна болды.