Қазақстанда бір тәулікте 92 өрт оқиғасы болды

Өткен тәулікте Төтенше жағдайлар министрлігіне 174 шақырту түссе, оның 92-сі өрт және жану оқиғаларына қатысты, деп хабарлайды Orda.kz.

Іздестіру-құтқару және басқа да жұмыстарға 82 шақырту түсіп, жұмыс барысында 19 адам құтқарылып, эвакуацияланды.

«Төтенше жағдайлар министрлігі азаматтарды өрт қауіпсіздігі шараларын сақтауға, дауылды ескертулерді, ауа райының өзгеруін, жолдардың жабылуы туралы хабарламаларды қадағалауға және ұзақ сапарға шықпауға шақырады» делінген мекеме хабарламасында.

Жұма күні, 12 қаңтарда құтқарушылар мен өрт сөндірушілер 158 оқиғаға шықса,  оның ішінде 65-і өрт пен жану оқиғаларына, 93-і іздестіру-құтқару және басқа да жұмыстарға қатысты.