Қазақстанда балаларға жасалатын қылмыс саны артып келеді

Осы жылдың қаңтар-қазан айлары аралығында елімізде балаларға қарсы үш мыңға жуық қылмыстық құқық бұзушылық тіркелді, деп хабарлайды Orda.kz Energyprom.kz-ке сілтеме жасап. 

Өткен жылмен салыстырғанда қылмыс саны 37,1 % - ға көп. Балаларды зорлау — 20,9 %-ға артқан. Ал сексуалдық сипаттағы зорлық-зомбылық әрекеттері 3,9 %, кәмелет жасқа толмағандармен жыныстық қатынас — 11,3 % артқан. 

Сексуалдық зорлық-зомбылықтан барлығы 820 бала зардап шекті. Бұл өткен жылдың он айынан 84-ке көп.

Сарапшылардың айтуынша, елімізде балаларға қатысты азаптау, жезөкшелікке тарту, адам саудасы жағдайлары да көбірек тіркелген. 

Мәселен, жезөкшелікпен айналысуға мәжбүр болған Қызылорда облысынан келген қыздың оқиғасы жалғыз көрсеткіш емес. Осы жылдың он айында осындай 14 факт, ал өткен жылы — бес факт болған.

Он айда 98 бала өз-өзіне қол жұмсады. Бұл көрсеткіш жылдағыдан 20,8%-ға көп.