Қазақстанда Алтын Орда туралы ағылшын тілінде сериал түсірілмек

2024 жылдың қыркүйегінде «Dara» Президенттік бастамалар қоры мен «Karga Seven Picturies» киностудиясы Жошы ханның өмірі туралы ағылшын тіліндегі «Алтын Орда» деректі фильмінің түсірілімін бастайды, деп хабарлайды Orda.kz порталы.

Жобаны креативті режиссер Эмре Шахиннің жетекшілігімен Karga Seven Pictures киностудиясы қолға алды. Студия Netflix үшін «Империяның өрлеуі: Османлы империясы» және «Өсиет: Мұсаның хикаясы» атты ауқымды деректі драмаларды шығарған, олар 90-нан астам елде үздік 10 серияға енді, деп атап өтті қор.

«Жошы ханның өмір тарихы керемет эпикалық; ол дүние жүзі көрермендерін қызықтырары сөзсіз. Біз Дара қорымен осы ауқымды тарихи жобада ынтымақтасуымызды үлкен мәртебе көреміз», – деді Эмре Шахин.

Айта кетейік, Жошы хан кесенесі Ұлытау өңірінде орналасқан. 2024 жылы Жошы Ұлысының құрылғанына 800 жыл толады.