Қазақстанда алғашқы коңырау 1 қыркүйекте соғылады 

Биыл еліміздің барлық өңірлерінде алғашқы коңырау дәстүр бойынша 1 қыркүйекте соғылады. Ал оқу  2 қыркүйек, дүйсенбі күні басталады. 

Бұл туралы оқу-ағарту министрлігі хабарлады.

Бұған дейін Алматы қаласы әкімінің орынбасары Әсем Нүсіпова брифингте 1 қыркүйек жексенбіге сәйкес келетіндіктен, салтанатты жиын 2 қыркүйекке ауыстырылатынын мәлімдеген болатын. Сонымен қатар, шара небәрі 10-15 минутқа созылатынын айтты.

Алайда бүгін оқу-ағарту министірлігі салтанатты шара әдеттегідей 1 қыркүйекте болатынын, ал 2 қыркүйекте бірінші сабақта 2-11 сынып оқушыларының қатысуымен сынып сағаты өтетінін, одан кейін сабақтар кесте бойынша жалғасатынын мәлімдеді.

Биылғы оқу-ағарту министрлігінің мәліметінше Қазақстан бойынша 345 мыңнан астам бала бірінші сыныпқа қабылданды. Қазақстан мектептерінде 398 854 педагог жұмыс істейді. Олардың ішінде: 91 878 – модераторлар, 87 685 – сарапшылар, 76 021 – зерттеушілер, 3 566 – шеберлер.