Қазақстанда әкімдер жаңа өкілетке ие болмақ

Бұл туралы мәжіліс кулуарында ішкі істер министрінің орынбасары Игорь Лепеха растады, деп хабарлайды Orda.kz порталы.

Мәжіліс аумағында журналистер Игорь Лепехадан мопедтер мен электрскутерлер мәселесі қалай реттелетінін сұрады.

«Қазір түзетулердің екінші пакеті жүріп жатыр, оны қабылдағаннан кейін шын мәнінде түбегейлі өзгерістер болады. Біріншіден, барлық мопедтер, қозғалтқыш көлеміне қарамастан, көлік құралына жатқызылады және оларды жүргізу үшін А1 санатындағы жүргізуші куәлігі қажет болады. Тиісінше, барлық мопедті есепке алып, тіркейтін боламыз», - деді Игорь Лепеха.

Вице-министрдің сөзіне сүйенсек, мопед жүргізушілері іс жүзінде ешқандай жауапкершілік көтермейді.

«Бұл пакетте тағы бір өте маңызды норма бар: әкімдердің самокат жүрісін реттеуге өкілеті болады, олар өздерінің қосымша ережелерін белгілей алады - қай жерде жүруге болады, қайда жүруге болмайды, олардың қозғалысына қай уақытта тыйым салу керек деген сияқты», - деді түсіндірді ол.