Қазақстанда 5G станцияларының саны артуда

Қазақстанның 20 қаласында 918 5G станциясы қосылды.

Бұл туралы цифрлық даму, инновациялар және аэроғарыш өнеркәсібі министрлігі хабарлады.

Сонымен қатар 1,2 мыңнан астам ауыл интернет қызметіне қол жеткізді. 20 мың шақырымнан астам жаңа талшықты-оптикалық байланыс желісі орнатылып 3,7 мың мемлекеттік мекеме кең жолақты интернетке қосылды.

Қызметтерді цифрландыру және қолжетімді ету мақсатында «Электронды үкіметті» дамытуды жалғастыруда. Қазіргі уақытта барлық мемлекеттік қызметтің 93,3%-ы электронды түрде ұсынылады, оның 86%-ына смартфон арқылы қолжетімді. «eGOV Mobile» мобильді қосымшасы мен 56 қызметке сыртқы платформалар арқылы бірінші жарты жылдықта 35 млн қызмет көрсетілді.

Мемлекеттік органдар интернет-ресурстарының бірыңғай платформасын енгізу  жұмысын жалғастыруда, бұл мемлекеттік ұйымдар үшін 4055 сайт жасауға мүмкіндік берді. Сондай-ақ жасанды интеллектіні дамытудың 2024-2029 жылдарға арналған тұжырымдамасы қабылданғаны мәлім болды.