Қазақстанда 308 мыңнан астам адам жұмыс таппай, әлеуметтік төлем алып отыр

Қазақстанда жұмысынан айырылуына байланысты Мемлекеттік әлеуметтік сақтандыру қорынан (МӘСҚ) төлем алып жүрген азаматтардың саны 308,4 мың адамға жетті. Оның ішінде 268,6 мың адамға бұл төлем биыл алғаш рет тағайындалған. Төлемдердің жалпы көлемі — 106,8 млрд теңге, деп хабарлайды Orda.kz. 

Қолданыстағы заң бойынша, жұмыстан босатылған азаматтың төлем алу мерзімі оның әлеуметтік сақтандыру жүйесіне қатысқан уақытына және соңғы 24 айдағы табысына байланысты. Төлем 1 айдан 6 айға дейін беріледі. Мөлшері — жоғалтқан табыстың 45%-ына дейін.
Бұл қаражат МӘСҚ есебінен төленеді.

Төлемді алу үшін қандай не істеу керек?

1. Жұмыс іздеуші ретінде тіркелу

• Жұмыстан босатылған азамат алдымен жұмыссыз мәртебесін алуы тиіс;
• eGov.kz порталына кіріп, жүйеге кіру;
• «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;
• Онлайн өтініш толтырып, ЭЦҚ арқылы қол қою;
• 1 күн ішінде Мәнсап орталығы (бұрынғы Халықты жұмыспен қамту орталығы) бос жұмыс орындарын ұсынады;
• Егер жарайтын жұмыс табылмаса, 3 жұмыс күні ішінде азаматқа қашықтан «жұмыссыз» мәртебесі беріледі;
• Бұл қызметті enbek.kz порталы арқылы да рәсімдеуге болады.

Проактивті төлем деген не және қалай тағайындалады?

Егер азаматтың «жұмыссыз» мәртебесі рәсімделсе, жүйе оны өздігінен байқайды. Содан кейін Еңбек министрлігінің ақпараттық жүйесі азаматтың ұялы телефонына SMS жібереді. Азамат SMS арқылы келісімін берсе, төлем автоматты түрде тағайындалады. Яғни, қайтадан құжат жинаудың немесе қосымша өтініш берудің қажеті жоқ.

Маңызды ақпарат

Бұл төлем жұмыстан шығу себебіне қарамастан беріледі:

• – өз еркімен кетсе де,
• – қысқартуға түссе де,
• – келісімшарт мерзімі аяқталса да.

Бұл жобаның мақсаты — азамат жаңа жұмыс іздеп жүрген кезеңде қаржылай қолдау көрсету.