Қазақстанда 2027 жылға дейін жаңа ұлттық компаниялар құрылмайды

Қазақстанда квазимемлекеттік компанияларды құруға мораторий енгізілді. Үкімет қаулысына сәйкес, 2026 жылдың 31 желтоқсанына дейін квазимемлекеттік компанияларды құруға тыйым салынып отыр.

Министрлер кабинетінің тиісті қаулысына премьер-министр Олжас Бектенов қол қойды. Құжатқа сәйкес, 2026 жылдың 31 желтоқсанына дейін елімізде квазимемлекеттік сектор субъектілерін құруға мораторий жарияланады.

Заңсыз алынған активтерді мемлекетке қайтару үшін немесе мемлекет басшысының тікелей тапсырмасы бойынша құрылуы қажет квазимемлекеттік сектор субъектілеріне ерекшелік болады. Мұндай тапсырмаларды президент ерекше жағдайларда бере алады.

Мораторий президент Қасым-Жомарт Тоқаевтың мамырдағы жарлығын орындау мақсатында енгізілген. Жарлықта Қазақстан экономикасын ырықтандыруға бағытталған шаралар бар.