Қазақстанда 116 мыңдай қызға АПВ егілген

Денсаулық сақтау министрлі адамдағы паппилома вирусына қарсы екпе жасау науқаны басталғалы бері 116 мыңдай қызға егілгенін мәлімдеді, деп хабарлайды Orda.kz.

Олардың айтуынша, вакцина егілгендердің арасынан ешкім шағымданып келмеген.

Адам папиллома вирусына (АПВ) қарсы иммундау науқаны басталғаннан бері Қазақстанда 116,5 мыңнан астам қызға екпе егілді. Екпеден кейін жағымсыз жанама әсерлер тіркелген жоқ, деп хабарлады бүгін ҚР Денсаулық сақтау министрлігі Санитарлық-эпидемиологиялық бақылау комитеті қорытынды алқасында.

АПВ – Қазақстанда кеңінен таралған вирустардың бірі. 16 және 18 онкогендік түрлері жатыр мойны обырының негізгі себебі болады. Әлемде жыл сайын осы аурудан 300 мыңға жуық әйел қайтыс болады, Қазақстанда жылына 2 мыңға жуық жағдай анықталады.

Денсаулық сақтау министрлігінің мәліметінше, екпе жатыр мойны обырының дамуына жол бермейді.