Қазақстан Венгрияға 700 миллион доллардың тауарын экспорттауды жоспарлап отыр

Қазақстанның Сыртқы істер министрі Венгрияға ресми сапармен келді.

Қазақстан Республикасының Сыртқы істер министрі Мұрат Нұртілеу ресми сапармен Венгрияға келді. Қазақстан-Венгрия стратегиялық кеңесінің алтыншы отырысында ол Венгрияның қаржы министрі Михали Варгамен энергетика, өнеркәсіп, көлік және логистика, су шаруашылығы және инновациялар, ауыл шаруашылығы, білім және туризм сияқты салаларды талқылады.

Тараптар Экономикалық ынтымақтастық жөніндегі үкіметаралық комиссияның әлеуетін тиімді пайдалану және Қазақстан мен Венгрияның іскер топтары арасындағы өзара іс-қимылды жандандыру қажеттігі туралы келісті.

Министрлер Венгрия Премьер-Министрі Виктор Орбанның Қазақстанға сапары барысында қол жеткізілген уағдаластықтарды іс жүзінде жүзеге асыру мәселелерін талқылап, бірлескен ірі жобаларды жүзеге асыру, өзара сауданы әртараптандыру және арттыруда күш біріктіруге келісті.

Қазақстан экспорттық тауарлардың ассортиментін шамамен 700 миллион долларға  ұлғайту ниетін растады.