Қазақстан Ұлттық спорт түрлері қауымдастығының президенті тағайындалды

1 ақпанда Қазақстан Республикасы Ұлттық спорт түрлері ұлттық қауымдастығының кезектен тыс жалпы жиналысы өтті, деп хабарлайды Orda.kz ҚР Туризм және спорт министрлігінің баспасөз қызметіне сілтеме жасап.

Дауыс беру қорытындысы бойынша Қауымдастық құрылтайшылары жаңа жарғыны бірауыздан мақұлдап, Еркебұлан Ілиясовты жаңа президент етіп сайлады.

Ол Қауымдастық қызметінің басым бағыттарын белгілеп, 2025 жылға арналған жоспарларымен таныстырды.

Еркебұлан Ілиясов – «Alageum Electric» ЖШС директорлар кеңесінің төрағасы, «Жамбы ату» және «Арқан тартыс» ұлттық спорт түрлері федерацияларының президенті, «Ұлттық спорт түрі» ұлттық спорт түрлерін қолдау қорының негізін қалаушы.