Қазақстан ұлттық құрамасы хоккейден 2026 жылғы Олимпиадаға іріктеу кезеңінде Австрияны жеңді

Хоккейден Қазақстан ерлер құрамасы Братиславада өтіп жатқан Олимпиадаға іріктеу кезеңіндегі екінші кездесуін ұтты, деп хабарлайды Olympic.kz.

Матчтағы есеп бірінші кезеңде ашылды. Біздің команданың ойыншысы Дмитрий Брюс ерекше көзге түсті. Үшінші кезеңде австриялықтар серпіліп, Рафаэль Гербургер гол соқты. Тамирлан Гайтамировтың күш-жігерінің арқасында Қазақстан тағы да алға шықты – 2:1. Нәтижесінде оның голы жеңіс голына айналды.

Айта кетейік, 2026 жылғы Олимпиадаға топтық жеңімпаздар ғана жолдама алады. Қазақстан Венгрия, Австрия және Словакия кіретін D төрттігіндегі квота үшін күресуде.

Алғашқы ойында Олег Болякин шәкірттері мажарларды ұтты. Біздің хоккейшілер шешуші кездесуді 1 қыркүйекте словакиялықтарға қарсы өткізеді.