Қазақстан Ұлттық банкінің экс-басшысының үстінен қылмыстық іс қозғалды – БАҚ

Қазақстан Ұлттық банкінің бұрынғы төрағасы Ғалымжан Пірматов қылмыстық іс бойынша күдікті болып танылды, деп хабарлайды Orda.kz ҚазТАГ-қа сілтеме жасап.

Агенттік дереккөздерінің хабарлауынша, қазіргі уақытта Пірматовқа қатысты сотқа дейінгі тергеу амалдары жүргізіліп жатыр.

Еске сала кетсек, Ғалымжан Пірматов Ұлттық банкті 2022 жылдың ақпанынан 2023 жылдың қыркүйегіне дейін басқарған, ал оған дейін 2017 жылдың тамызынан 2021 жылдың қыркүйегіне дейін «Қазатомөнеркәсіп» АҚ басқармасының төрағасы, 2015 жылдың желтоқсанынан Ұлттық банк төрағасының орынбасары қызметтерін атқарған.