Қазақстан Украинаға қатысты бейбітшілік саммитіне қатыса ма?

Қазақстанның Швейцарияда өтетін Украина бойынша бейбітшілік саммитіне қатысуы қарастырылады.

Бұл туралы сыртқы істер министрлігінің ресми өкілі Айбек Смадияров хабарлады.

«Иә, біздің еліміздің осы саммитке қатысуы халықаралық іс-шаралар кестесін және Қазақстан Республикасының осы мәселе бойынша ресми ұстанымын ескере отырып қарастырылатын болады. Қазақстанның тарихи тұрғыдан бірдей тығыз саяси, экономикалық, Украинамен де, Ресеймен де мәдени-гуманитарлық қарым-қатынаста. Біз әрқашан барлық елдердің егемендігі мен аумақтық тұтастығын сақтау және БҰҰ Жарғысы қағидаттарын сақтай отырып, әрекет етеміз»,-  деді Смадияров.

Осы тұрғыда ол Қазақстан осы елдер арасындағы екіжақты қарым-қатынастар контекстінде шешілуі тиіс  қақтығысты тек бейбіт жолмен шешуді дәйекті түрде жақтайтынын жеткізді.

15 және 16 маусымда Швейцарияда Украинадағы жағдайға қатысты саммит өтеді. Оған мемлекет және үкімет басшылары деңгейіндегі 160-тан астам делегация шақырылды.