Қазақстан Түркияның әскери мүлкі мен әскери қызметкерлерінің транзитіне рұқсат береді

Қазақстан Түркияның әскери мүлкі мен әскери қызметкерлерінің елдің әуе кеңістігі арқылы транзитіне рұқсат бермек. Заң жобасы Мәжілістің пленарлық отырысында мақұлданды, деп хабарлайды Orda.kz.

Қорғаныс министрінің орынбасары Асқар Мұстабековтың айтуынша, енді Түркияның әскери ұшақтары мен жүктері келісім негізінде Қазақстан әуе кеңістігі арқылы өте алатынын мәлімдеді.

«Транзит жылдық немесе бір реттік рұқсат негізінде жүзеге асырылады. Әр мемлекет сұранысты қабылдамауға, сондай-ақ берілген рұқсаттың күшін тоқтатуға немесе жоюға құқылы», — деді қорғаныс министрінің орынбасары

Мұстабеков Қазақстан кез келген сәтте қауіпсіздікке қатер бар деп санаса, әскери транзитті тоқтата алатынын атап өтті. Рұқсат берер алдында ұшақтың түрі, тасымалданатын жүк, оның көлемі және борттағы әскери қызметкерлер саны тексерістен өтеді.

Сондай-ақ ол бұл келісім бюджеттен қосымша шығындарды талап етпейтінін айтты. Сонымен бірге, құжат Қазақстанның халықаралық операцияларға, соның ішінде бітімгершілік миссияларға қатысу мүмкіндігін кеңейтеді.

Оқи отырыңыз:

• Қырымда ұшақ жартасқа соғылды: 29 адам ажал құшты
• Нью-Йорк әуежайында ұшақ өрт сөндіру көлігіне соғылды: Зардап шеккендер бар