Қазақстан төлқұжаты әлемдік рейтингтегі орнын нығайтты

 Біздің төлқұжатымыз Халықаралық әуе көлігі қауымдастығының деректері негізінде жасалатын және азаматтар визасыз келе алатын елдердің санын көрсететін Henley жаңартылған индексінде 61-орынды иеленді, деп хабарлайды Orda.kz.

Рейтингке сәйкес, қазақстандықтарға 79 мемлекетке визасыз кіру жолы ашылды.

Тізімнің көшбасшысы ретінде азаматтары визасыз 193 елге бара алатын Сингапур еліне тиесілі. Екінші орында 190 бағыт бойынша Жапония мен Оңтүстік Корея тұр. 

 Орталық Азия елдерінің ішінде Қазақстан «ең күшті» паспорттың иегері атанды: Қырғызстан 71-орында, Өзбекстан 72-орында, Тәжікстан 78-орында, Түрікменстан 84-орында. Бұдан басқа, біз Әзірбайжаннан (66), Армениядан (69) және Моңғолиядан (70) алда тұрмыз. Рейтингті Ауғанстан, Ирак және Сирия елдері түйіндеп тұр.

 Бұған дейін, осы жылдың қаңтарында Global Passport Power Rank рейтингінде Қазақстан Гайана мен Таиланд арасында орналасып, 95-ші орындардың ішінде 52-ші орынды иеленген болатын.

Еске салсақ, 2023 жылы Байқоңыр қаласында Ресей билігі жергілікті тұрғындарға Ресей төлқұжатын таратты.

2025 жылдың басынан бері Қазақстан азаматтары 41 мемлекетке, сондай-ақ Қытай құрамына кіретін ерекше мәртебесі бар екі аумаққа – Макао мен Гонконгқа визасыз кіре алады.