Қазақстан шетелдіктерге қойылатын талаптарды күшейтеді

2024 жылдың 8 желтоқсанынан бастап шетелдіктерге Қазақстанда уақытша және тұрақты тұруға рұқсат берудің өзгертілген ережелері күшіне енеді, деп хабарлайды Orda.kz.

Ішкі істер министрінің жаңа бұйрығына сәйкес, уақытша тұруға рұқсат алу үшін бірқатар құжат ұсыну қажет:

• өтініш формасы;

• жеке басын куәландыратын құжаттың көшірмесі (түпнұсқа салыстыру үшін ұсынылады);
• медициналық сақтандыру көшірмесі (түпнұсқа салыстыру үшін ұсынылады, ЕАЭО елдері азаматтары үшін талап етілмейді); 

• егер өтініш беруші тұрғын үй алаңының меншік иесі болмаса, тұрғын үй иесінің тұруға нотариалды куәландырылған келісімі;

• саусақ ізін өткізгені туралы анықтама.

Құжаттар тізімі келу мақсатына байланысты өзгереді. Мысалы, отбасын біріктіру, жұмыс істеу, оқу және т.б.

Енді Қазақстанға жұмыс істеу үшін келген азаматтар шетелдік жұмыс күшін тартуға рұқсат пен біліктілігін растайтын басқа да құжаттарды ұсынуы керек. Өзгерістер іскерлік иммигранттарға, студенттерге және емделуге немесе миссионерлік мақсаттарға келгендерге қатысты ережелерге де әсер етеді. Егер құжаттар шет тілінде болса, аудармасы нотариалды куәландырылуы қажет.

2024 жылдың 1 қаңтарынан бастап Қазақстанда болу құжатын алғысы келетін шетелдіктер мен азаматтығы жоқ адамдар үшін саусақ ізін тіркеу міндетті .