Қазақстан ресейлік Наталья Нарскаяны тергеу изоляторынан босатты

Қазақстанда ресейлік Наталья Нарская бір жыл қамауға алынғаннан кейін тергеу изоляторынан босатылды. Ресейде оған қатысты экстремизм бабы бойынша іс қозғалды. 

Бұл туралы Адам құқықтары жөніндегі Қазақстандық халықаралық бюро KIBHR  хабарлады. 

Нарская өткен шілдеден бері Алматыдағы тергеу изоляторында отыр. Изоляторда отырған тұтқындардың айтуынша, қызды «азаптап, жазалау камерасына қамап қойған» және оның «айқайын бәрі естіген».

 2023 жылдың сәуірінде Ресейде Нарскаяға қарсы екі бап – экстремизм (ҚК 282-бабының 2-бөлігі) және экстремистік әрекетке шақыру (ҚК 280-бабының 2-бөлігі) бойынша іс қозғалған. 

Оған Нарскаяның ВКонтакте желісіндегі жарияланымдары себеп болған, онда тергеушілер «ресейлік әскерилерге өшпенділік қоздыру» және «ұлты бойынша анықталған адамдар тобы: орыстар, Ресей», сондай-ақ зорлық-зомбылыққа шақырулар тапқан.

Наталья Нарская  Люберцы қаласынан келген 29 жастағы вокал мұғалімі.  Украинадағы соғысты айыптап қалалық әкімдікке жазған хатынан соң полициядан қашып 2022 жылдың көктемінде Қазақстанға келген.

KIBHR қыздың Ресейдің экстрадициялау өтініші бойынша ұсталғанын және мерзімінің өтуіне байланысты босатылғанын түсіндіреді. Нарская тергеу изоляторында отырғанда Қазақстанға босқын мәртебесін беруді сұраған, бірақ ол қабылданбаған. Қазір бұл шешімге шағым жасалып жатыр, сондықтан ресейлік әйелді Ресейге экстрадициялау мүмкін емес.