Қазақстан Ресей мен Украина арасындағы келіссөздер үшін алаң беруге дайын - Абаев

Қазақстанның Ресейдегі елшісі Дәурен Абаев Қазақстан Ресей мен Украина арасындағы келіссөздер үшін алаң беруге дайын екенін мәлімдеді, деп хабарлайды Orda.kz порталы KazTag-қа сілтеме жасай отырып.

«Әрине, Қазақстан әлемге әсер ететін барлық процестерге көмектесуге әрқашан дайын. Бұл тек Ресей мен Украина емес, Армения мен Әзірбайжан, Сирия мәселесінде, Иран мәселесінде. Бәлкім, делдал боламыз деп қатты айтылған шығар, бірақ біз платформа беруге, қандай да бір жағдай жасауға дайынбыз», - деді Абаев ТАСС агенттігіне берген сұхбатында. 

Абаев Украинадағы қақтығысты реттеу бойынша көптеген түрлі бастамалар бар екенін атап өтті.

«Сонымен қатар, қазір көптеген түрлі бастамалар бар және Ресейдің қатысуынсыз бұл процестер мүмкін емес. Әрине, бұл үдерістерде Ресейдің пікірі әрқашан ескерілуі керек. Біз делдал болу емес, алаң беруге, біраз жағдай жасауға дайынбыз», - деп қосты ол.

Естеріңізге сала кетейік, бір күн бұрын Әзірбайжан мен Армения келіссөздері Алматыда өтетіні белгілі болған еді. Президент Қасым-Жомарт Тоқаев Қазақстан тарапының ұсынысы бойынша сыртқы істер министрлері арасында бітімгершілік келісімін дайындау үшін елдердің келіссөздерін өткізу туралы келісімді қолдады.