Қазақстан президенттері ұлттық пантеонда жерленбейді

Ұлттық пантеонға кімдер жерленетіні жайлы ереже мәтінінен президенттердің отбасы мүшелері туралы айтылған бөлік алынып тасталмақ, деп хабарлайды Orda.kz порталы.

Ұлттық пантеон туралы ереженің жаңа редакциясы жарияланды. Мәтінде пантеонға жерленуге жататын адамдар бар.

Жаңа редакцияда президенттердің отбасы мүшелерін, мемлекеттік хатшыларды, Конституциялық кеңес төрағаларын, сондай-ақ «Қазақстан Республикасының тұңғыш президенті – Елбасы Нұрсұлтан Назарбаев» ордендерінің иегерлерін алып тастау ұсынылды.

Түсіндірме жазбада бұл Қазақстанның тұңғыш президенті туралы заңның күші жойылғанына байланысты жасалып отырғаны айтылған.

Шілде айының ортасында мәслихат отырысында Қаналиев Ұлттық пантеонда 25 орынның 21-і бос емес екендігін, тек төрт орын қалғанын айтқан болатын. Бұл ретте, талқылау барысында депутаттар пантеонның екінші кезеңінің құрылысы басталатынын хабарлаған жоқ.

Пантеон Астана маңында орналасқан, Қабанбай батыр кесенесінің жанында салынған. Мемлекеттің, ғылымның, мәдениеттің көрнекті қайраткерлерін, сондай-ақ Қазақстанның дамуына үлес қосқан тұлғаларды жерлеу үшін пантеон салынған еді.