Қазақстан полициясы күніне орай Астанадағы «Нұр Әлем» алаңы жарықтандырылды

Қазақстан полициясы күніне орай Астанадағы ЭКСПО орталығындағы «Қазақстан темір жолы» ғимараты мен «Нұр Әлем» алаңы жарықтандырылды, деп хабарлайды Orda.kz порталы  Polisia.kz сайтына сілтеме жасап.

Полицияда жұмыс істеу дегеніміз қылмыспен күресу және кез келген сәтте оған ең мұқтаж адамға көмектесуге дайын болу.

Елімізде күн сайын 14 мыңнан астам полиция қызметкері мен Ұлттық ұлан сарбаздары қоғамдық тәртіп пен азаматтардың қауіпсіздігін сақтау үшін қызметке кіріседі.

Тәуелсіздік жылдары ішкі істер органдарының 817 қызметкері қызметтік міндеттерін атқару кезінде қаза тапты.

Қазақстан полициясы күніне еліміздің әр өңірінен келген ҚР Ішкі істер министрлігінің қызметкерлері туралы материалдар топтамасын арнады.