Қазақстан орыстілді мемлекет – Черчесов

Ресей құрамасының бұрынғы бапкері Станислав Черчесов бірнеше күн бұрын Қазақстан құрамасының тізгінін қолына алып, бұл қызметте Магомед Әдиевтің орнына келді.

 Черчесов неге Қазақстан құрамасын басқаруға бел бұғанын offside.kz сайтына берген сұхбатында айтты.

 «Менің оған қарсы ештеңем жоқ. Бірақ мен Венгрияда екі жыл жұмыс істедім, онда ағылшын және неміс тілдерінде сөйлесуге тура келді. Мен орыстілді ортада жұмыс істегім келді. Мен Ресейге жұмыс істеуге келдім. Бірақ Қазақстан орыстілді ел, біз КСРО-да бірге өстік - мен үшін бәрі бірдей»,-  деді Қазақстан құрамасының бас бапкері.

 Ол сондай-ақ «Ұлттық командалар институтымен» жақсы таныс екенін және ұлттық құрамамен жұмыс істеудің не екенін жақсы түсінетінін атап өтті. 

«Әрине, ұсыныс түскенде күмән туады. Бірақ федерация басшысы Әділет Назарбайұлымен сөйлескеннен кейін олар із-түзсіз жоғалып кетті. Президент маған барлығын нақты түсіндірді, барлығы кәсіби және мазмұнды болды. Екі сағаттың ішінде бәрін талқылап, келістік. Мен Магомед Мұсаұлы Әдиевпен сөйлестім»,- деді Черчесов.

 Басылымның хабарлауынша, бірінші кезекте Мажарстанда екі жыл жұмыс істеп, шет тілдерінде сөйлесуге мәжбүр болған Черчесов үшін орыс тілі мен орыс тілді орта маңызды болған.