Қазақстан онлайн қызмет көрсету бойынша әлемде сегізінші орында

Үкімет отырысында ҚР Цифрлық даму, инновациялар және аэроғарыш өнеркәсібі министрі Бағдат Мусин мемлекеттік қызмет көрсету сапасын арттыру бойынша қабылданып жатқан шаралар туралы баяндады.

ICRIAP басшысы Бағдат Мусиннің айтуынша, БҰҰ рейтингінде Қазақстан онлайн қызмет көрсету бойынша әлемде сегізінші орында, ал «электрондық үкіметті» дамыту бойынша 28-орында.

«Бүгінгі таңда мемлекеттік қызметтердің 93%-ға жуығы электронды түрде көрсетіледі. Өткен жылмен салыстырғанда смартфон арқылы көрсетілетін қызмет саны алты есеге өсті. Kaspi, Halyk платформалары арқылы 50-ден астам қызмет көрсетіледі. Бүгінде олардың саны 33 млн-ға жетіп, үш есе өсті», - деді Бағдат Мусин үкімет отырысында. 

Министр проактивті қызмет енгізу жұмыстары жалғасып жатқанын айтты. Бұл мемлекеттің өзі көрсететін қызметтер. Бүгінде олардың саны 40-қа жетіп, екі миллионнан астам қызмет көрсетілді.

Әділет министрлігімен бірлесіп, сенімхаттардың 5 пайызы цифрлық форматқа көшірілді. Ішкі істер министрлігі мен «Азаматтарға арналған үкімет» мемлекеттік корпорациясының бірлескен жұмысының нәтижесінде автокөліктерді онлайн сатып алу-сату үлесі 55 пайызға жетті.

Банктердегі ипотеканы тіркеудің 67 пайызы онлайн режимде аяқталды.

Сондай-ақ, «электрондық үкімет» әрбір азаматты туған күнімен құттықтап, құжаттардың мерзімі өткені туралы алдын ала хабарлауды үйренді.