«Қазақстан өнеркәсібінің жаңа тынысы»: 50 стартапшы әлемдік орталықта оқиды

Цифрлық даму, инновациялар және аэроғарыш өнеркәсібі министрі Жаслан Мадиев стратегиялық маңызды келісімдерге қол қойды.

Соның арқасында Орталық Азиядан 50 стартапшы Кремний алқабында оқытудан және резиденттік бағдарламадан өту мүмкіндігіне ие болады.

 Кремний алқабы — Сан-Францискода орналасқан дүниежүзілік технологиялық инновация орталығы. 

 Alchemist X, Stanford Healthcare Innovation Lab, Draper University және Silkroad Innovation Hub-пен жасалған келісімдер қатысушыларға бес айлық бағдарламаны ұсынады. Бұл бағдарламаның аясында америкалық нарыққа шығуға қолдау көрсетіледі. Бағдарлама инвестициялар тарту, алғашқы келісімдер жасау және сарапшылармен байланыс орнату сияқты барлық қажетті қолдауды қамтиды. 

Еске сала кетейік, бұл бастама Цифрландыру министрлігі, Astana Hub, Әлемдік банк және FPIP жобасының қолдауымен жүзеге асырылды.