Қазақстан метан шығарындыларын азайту бойынша жұмысты күшейтуге ниетті – Сәтқалиев

Энергетика министрі Алмасадам Сәтқалиев Қазақстанның метан шығарындыларын азайту бойынша жұмысты күшейтуге ниетті екенін айтты.

Бұл туралы министрліктің баспасөз қызметі хабарлайды.

«Астанада энергетика министрі Алмасадам Сәтқалиев Еуропалық қайта құру және даму банкінің (ЕҚДБ) өкілдерімен кездесу өткізіп, оның барысында республиканың метан шығарындыларын азайту жөніндегі жұмыс жандандырылғанын атап өтіп, халықаралық институтты осы процеске қатысуға шақырды» делінген хабарламада.

Министр парниктік газдар азайғанын атап өтті.

«Тұтастай алғанда, біз елдің энергетика саласында парниктік газдардың төмендеуін байқап отырмыз. Осылайша, бес жыл ішінде энергетика саласындағы метан шығарындылары СО2-экв. 1,2 млн. тоннаға азайды. Қазіргі кезеңде біз бұл бағыттағы жұмысты жандандыруға дайынбыз» деді Сәтқалиев.

Сондай-ақ Сәтқалиев ЕҚДБ өкілдерін министрліктің сутегі стратегиясы бойынша тұжырымдама жобасын әзірлеуі туралы хабарлады.