Қазақстан мен Ресей шекарасында жүк көліктерінің кезегі пайда болды

Ауыр жүк көліктерінің кептелісі Ресей Федерациясы шекараcынан алты шақырым жерде орналасқан Маштаково ауылына дейін созылып жатыр, деп хабарлайды Orda.kz «Мой город» басылымына сілтеме жасап.

Жүргізушілер шекарада бір тәуліктен астам уақыт тұрамыз деп шағымданды. Жұрт неліктен өткізудің баяу қозғалатынын білмейді.

«Олар мені тек 12:00-де ғана жіберді, бірақ мен түстен кейін үште келдім. Себебін ешкім білмейді. Жүргізушілер мұның үш күннен бері жалғасып жатқанын айтады. Бейтарап аумаққа келетін болсақ, ол бос тұр. Ұйымдастыру жоқ», – дейді жүргізушілердің бірі. 

Ресейдің Орынбор облысы бойынша шекара агенттігінің мәліметінше, Маштаково өткізу бекетінде шекаралық бақылаудың техникалық құралдарын ұстау бойынша жұмыстар жүргізілуде.

Бұл жағдайға Ұлттық қауіпсіздік комитетінің Батыс Қазақстан облысы бойынша шекара қызметі де түсініктеме берді.

«Осы кезеңде Маштаково және Сырым бекеттері арқылы жүк көліктерінің қозғалысы уақытша қиындайды. Қазақстан шекарасынан өткенде Ақсай, Шаған және Тасқала өткізу бекеттерін пайдалануды ұсынамыз» деді ҰҚК.