Қазақстан мен Қытай сауда, көлік және инвестиция бойынша ынтымақтастықты кеңейтеді

Қазақстан-Қытай ынтымақтастық жөніндегі комитетінің 12-ші отырысында сауда, көлік және инвестиция бойынша ынтымақтастықты кеңейту барысы талқыланды, деп хабарлайды Orda.kz.       

Комитет отырысында екі елдің кедергісіз сауда, көлік байланыстарын дамыту, сондай-ақ бірлескен инвестициялық жобаларды іске асыру және мәдени-гуманитарлық ынтымақтастықты кеңейту мәселелері талқыланды. Сондай-ақ, тараптар су ресурстары және мұрағат ісі саласындағы ведомствоаралық ынтымақтастықты нығайту жөніндегі құжаттарға қол қойды.

ҚХР Мемлекеттік кеңесінің вице-премьері Дин Сюэсянмен келіссөздер барысында сауда, инвестиция, көлік және логистика, ауыл шаруашылығы, энергетика, туризм салаларындағы ынтымақтастық мүмкіндіктері талқыланды. Өткен жылы екіжақты сауда көлемі 43,8 млрд доллар болды.

Скляр өнеркәсіпті дамыту ел үшін маңызды басымдық екенін атап өтіп, қытай компанияларын қазақстандық бизнеспен тығыз ынтымақтастыққа шақырды. Өз кезегінде қытайлық компаниялар Қазақстандағы стратегиялық жобаларға қызығушылық танытты.