Қазақстан мен Иран президенттері бір-бірін Наурыз мерекесімен құттықтады

Қазақстан мен Иран президенттері бір-біріне Наурыз мерекесінің құрметіне арналған ақжарма тілектерін арнады. Иран Ислам Республикасының президенті Ораза айт пен Наурыз мейрамдарына орай Қазақстан президентінің атына құттықтау жеделхатын жолдады, деп хабарлайды Orda.kz Ақордаға сілтеп. 

Масуд Пезешкиан құттықтауында мейірім мен берекеге толы осы қастерлі күндері мұсылман елдері арасындағы татулық нығайып, өзара ықпалдастықтың тереңдеуіне септігін тигізетініне сенім білдірді.

Өз кезегінде мемлекет басшысы Қасым-Жомарт Тоқаев Таяу Шығыста тұрақтылық орнауына және бауырлас халықтардың ынтымағы беки түсуіне тілектес екенін айтты. 

Президент қасиетті Ораза айт пен әз-Наурыздың жаңару рухы Иран халқына бейбітшілік және бақ-береке әкелсін деген тілегін жеткізді.

21 наурызда мемлекет басшысы Қазақстан халқын Наурыз мейрамымен құттықтады. Мемлекет басшысы атап өткендей, біз ешқандай кедергі мен қиындыққа қарамай, елімізді өркениет жолына шығаруымыз керек. Халқымыздың тарихи тағдыры – өзіміздің қолымызда. 

Оқи отырыңыз:

• Тоқаев қасиетті Түркістан жеріне барған сапарында не айтты?
• Трамп Иранға Ормуз бұғазын ашу үшін 48 сағат уақыт берді, талап орындалмаса шабуыл үдейді
• АҚШ өзі соғысып жатқан Иранның мұнайын сатып алмақшы
• Мұнай дағдарысы: жаһан мұнай қыспағына ұшырамаудың жолын қарастырып жатыр