Қазақстан Қырғызстанда электр станциясы мен ферроқорытпа зауытын салады

Тоқаев пен Жапаров келіссөздер қорытындысын шығарды. Қырғызстанда электр станциясы мен ферроқорытпа зауыты салынады, деп хабарлайды Orda.kz порталы.

Президенттер инвестицияларды өзара қорғау туралы келісімге қол қойды. Осылайша, қазақстандық кәсіпкерлер Ыстықкөл облысында күн электр станциясын және Жалал-Абад облысында ферроқорытпа зауытын салады. Сондай-ақ шекарадағы «Қарасу», «Бесағаш», «Ауқатты», «Сартөбе», «Айша бибі», «Сыпатай батыр», «Кеген» бекеттерін жаңғырту жоспарланды. Төрт жылдан кейін олар сауда айналымын жақсарту үшін цифрлық технологиялармен жабдықталады.

Біз елдеріміз арасында шешілмеген мәселелер болмауы керек деген ортақ қорытындыға келдік. Сауда-экономикалық байланыстарды нығайтуға ерекше көңіл бөлінді»,- деді президент.

Айта кетейік, өткен жылы өзара тауар айналымы 1,5 миллиард долларға жетті. Енді олар бұл көрсеткішті екі миллиард долларға жеткізгісі келеді.