Қазақстан-Қырғызстан шекарасында алтын құймалары бар Lexus жүргізушісі ұсталды

Қырғызстанның арнайы қызметі контрабандашы көлігінен 170 миллион теңгенің алтынын тапты, деп хабарлайды Orda.kz.

Қырғыз Республикасы Ұлттық қауіпсіздік комитетінің мәліметінше, салмағы үш келіден асатын алтын құймаларды Қазақстанға заңсыз әкету әрекеті жасалған.

«17 қыркүйекте «Кең-Бұлын» өткізу бекетінде Қазақстанға бет алған Lexus 470 көлігі тоқтатылды. Тексеру барысында 3,3 келі алтын құймаларының жасырын қоймасы анықталды. Меншік иесінің рұқсат беретін құжаттары болмаған», деп мәлімдеді Ұлттық қауіпсіздік комитеті.

Тергеу аясында арнайы органдар келтірілген шығын мен контрабанда ісінің басқа қатысушыларын анықтауда.