Қазақстан күрестен әлем чемпионатында екі күміс медаль жеңіп алды

Иорданияның Амман қаласында өтіп жатқан күрес түрлерінен 17 жасқа дейінгі спортшылар арасындағы әлем біріншілігінде Қазақстан қоржынына екі күміс медаль түсті. 

Бұл туралы Ұлттық Олимпиада комитеті хабарлады.

Грек-рим күресі бойынша 51 кг салмақ дәрежесінде финалға шыққан Алпамыс Болатұлы америкалық Джейден Рейниге 5:7 есебімен жеңіліп, күміс медаль иегері атанды.

80 кг салмақ дәрежесінде Еркебұлан Анапа бейтарап спортшы Михаил Шкаринге 0:3 есебімен жеңіліп, күміс медаль жеңіп алды. 48 кг салмақ дәрежесінде қола медаль үшін күрескен Едіге Төлеутай азірбайжандық Амрах Амраховқа 1:3 есебімен жеңіліп қалды.