Қазақстан құрамасы хоккейден ерлер арасындағы тұңғыш Азия чемпионатында жеңіске жетті

Қазақстан құрамасы хоккейден бірінші Азия чемпионатында Жапония құрамасын 5:1 есебімен жеңіп, алтынға ие болды, деп хабарлайды Туризм және спорт министрлігінің баспасөз қызметі.

«Халық Арена» спорт кешенінде ерлер командалары арасында хоккейден бірінші Азия чемпионаты аяқталды. Шешуші кездесуде Қазақстан құрамасы Жапония құрамасын 5:1 есебімен сенімді түрде жеңіп, турнирдегі басымдығын растады» делінген хабарламада. 

Матч барысы:

• 1:0 – Рымарев (Борисевич, Гренц);

• 2:0 – Рымарев (Александров);

• 3:0 – Наместников (Королинский);

• 3:1 – Ирикура (Ханзава, Кобаяши);

• 4:1 – Гребенщиков (Волков, Королинский);

• 5:1 – Королинский.

Үшінші орын Қытай құрамасын қосымша уақытта 2:1 есебімен жеңген Оңтүстік Корея құрамасына бұйырды.

Азия чемпионатының қорытынды есебі мынадай:

• Қазақстан – 6 ұпай; 

• Жапония – 6 ұпай;

• Оңтүстік Корея – 4 ұпай;

• Қытай – 2 ұпай.

Бұған дейін  Orda.kz  желіде «Барыс» хоккей клубы ойыншыларының жалақысы туралы жазған болатын, онда елордалық клуб  хоккейшілердің маусымдағы жалақысына шамамен 2,5 миллиард теңге жұмсағаны айтылған.