Қазақстан картасынан ауылдар саны азайып барады

Соңғы бір жылда Қазақстанда тіркелген 6 208 ауылдың 78-і картадан жойылып кетті. 

Бұл туралы Ұлттық статистика бюросы мәлімдеді.

Жалпы ауылдар санының қысқаруы тұрақты үрдіс. Соңғы уақытта бұл үрдіс жылдамдай түсті. Қазіргі қысқарту соңғы төрт жылдағы ең жоғары көрсеткішке ие. 

Қысқартылған 78 ауылдың 50-і Түркістан және Қостанай облыстарына тиесілі. Қалған 28 ауыл Алматы, Шығыс Қазақстан, Абай және Қарағанды облыстарында.

Бұдан әрі де бұл динамика сақталады деген болжам бар. Қазақстандағы ауылдық елді-мекендердің жартысынан астамында халық саны 500 адамнан аз, сондықтан олардың даму әлеуеті төмен деп бағаланды. 1 шілдедедегі көрсеткіш бойынша ауылдарда ел бойынша халықтың 37,3 пайызы тұрған, бір жыл ішінде бұл үлес 0,8 пайызға азайды.