Қазақстан халқы шенеуніктерге қанша ақша төлеп отыр

Қаржы министрі Мәди Тәкиев Қазақстандағы шенеуніктер аппаратының жалақысына жыл сайын бюджеттен қанша ақша кететінін айтты.

Бұл сұрақты оған үкіметтің баспасөз мәслихатында қойды.

«Мемлекет аппаратының жалақысы туралы бәрін айта аламын. Бұл сома 1 трлн 32 мың теңге болады. Бұл – барлық мемлекеттік қызметкердің бір жылдық жалақысы», деді Тәкиев.

Ол 10 жылдан бері мемлекеттік қызметкерлердің саны өзгермегенін айтты. Мәди Тәкиев бұл мәселе 2014 жылы жіті қолға алынғанын баса айтты. Ол кезде 21 министрлік болса, олардың саны 14-ке дейін қысқарды.

«Министрліктердің қаншалықты көп болғанын өзіңіз білесіз. Кез келген министрліктің штаты — 50 мың адам. Бұл шешім қабылдау жылдамдығына да  әсер етті. Сондықтан оларды қайта бөлу туралы шешім қабылданды, бірақ штат қосылмаған, саны сол күйінде қалды», деді ол.