Қазақстан Еуропаға мұнай жеткізіп жатыр

Қазақстан Энергетика министрлігі итальяндық Eni компаниясының «Дружба» жүйесі арқылы Қазақстан мұнайын Еуропаға жеткізуді бастағанын растады. 

Бұл туралы Orda.kz хабарлады.

Eni компаниясы Қашаған жобасына инвестиция құйғаны белгілі.

Министрліктің мәліметінше, AGIP Caspian Sea, Eni-дің Қазақстандағы еншілес компаниясы жаздың басында «Дружба» құбыр жүйесінің солтүстік бағыты арқылы тестілік партияны, яғни көлемі 20 мың тонна болатын мұнай жіберді. Бұл жеткізу Атырау — Самара магистральды мұнай құбыры арқылы өтіп, «Дружба» жүйесіне бағытталды. Ресей мұнайы «Дружба» жүйесі арқылы Еуропаға 2023 жылдан бастап санкциялар себебінен жіберілмейтін болды.

2024 жылдың бірінші тоқсанында «Адамова застава» пункті арқылы 300 мың тонна Қазақстан мұнайы, оның ішінде Қашаған мен Қарашығанақ кен орындарынан алынған мұнай Еуропаға жеткізілді.