Қазақстан дрондарды атып түсіруге дайындалып жатыр

Қорғаныс министрі Дәурен Қосанов сенат дәлізінде Қазақстанға көрші елдер арасындағы соғыс салдарынан құлап түсіп жатқан ұшқышсыз дрондардан қалай қорғанып жатқанын айтты, деп хабарлайды Orda.kz.

Министрдің айтуынша, мұндай жағдайлардың алдын алу үшін бірқатар шаралар қабылданған.

«Әуе шабуылына қарсы тікұшақтар мен жойғыш ұшақтар жауынгерлік кезекшілікке қойылды. Сонымен қатар көршілес мемлекеттермен жедел байланыс арналары орнатылды», – деді ведомствода. 

Дронның табылған әрбір сынығы жеке-жеке тергеледі.

«Бұл – соғыс болып жатқан елдерден біздің аумаққа түсіп жатқан дрондар. Олар радиоэлектрондық күрес құралдарының әсерінен жолынан адасып, құлайды».

Қосановтың айтуынша, мұндай жағдайлар тек Қазақстанда емес, Польшада, Молдовада, Мажарстанда және Балтық елдерінде де жиі болып жатыр.