«Қазақстан барысы» турнирін ұйымдастырған компания банкрот болды

Қаржы министрлігі банкрот деп танылған 3000-ға жуық компаниялар тізімін жариялады. Оның арасында «Қазақстан барысы» қазақ күресі турнирін ұйымдастырған «Қазақстан барысы Advertising» ЖШС да бар, деп хабарлайды Orda.kz Kursiv.media ақпараттық порталына сілтеме жасап. 

 «Қазақстан барысы Advertising» ЖШС үстінен 2023 жылы турнирге бөлінген 1 млрд теңгеден аса қаржыны жымқырды деген күдікпен қылмыстық іс қозғалған еді. Қаржы мониторингі агенттігі сол кезде компания басшылары 2016-2019 жылдары жалған шот-фактура жазып, бюджет қаржысын жымқырды деп айтқан. 

«Қазақстан барысы» турнирінің бас ұйымдастырушысы – қоғам белсендісі Арман Шораев. Осы іс қозғалғанда ол әлеуметтік желідегі парақшасында өзінің ақ екенін жазған.

«Қазақстан барысы Advertising» компаниясы 2023 жылы құрылған. Бас директоры да, құрылтайшысы да – Жасұлан Мұсабеков деп көрсетілген. Ақмола облысында тіркелген компанияның қызмет бағыты «өнер, ойын-сауық және демалыс» деп жазылған.

Компания 2021 жылдан бері салық төлемеген. Мемлекеттік салық комитетінің мәліметі бойынша, компания мойнында 318 млн теңге салық қарызы бар.