Қазақстан азаматын қырғызстандық «досы» тақырға отырғызып кетті
Фото: Бейнеден кадр
Қырғызстандық Kaktus.media редакциясына Қазақстан азаматы Дамир Ахметжанов көмек сұрап хабарласты. Ер адам қырғызстандық азаматқа алданып қалған. Дамир оған Қытайдан Geely Manjaro көліктерін жеткізу үшін 60,8 мың доллар төлеген. Бірақ ақша да, көлік те, қырғыз азаматының өзі де ұшты-күйлі жоғалған, деп хабарлайды Orda.kz.
Ахметжанов Қазақстан мен Қырғызстанда автомобиль сатып алу-сатумен айналысады. Ол 2023 жылы жазда Джалал-Абад облысының тумасы Нұрмаз Әміраевпен кездеседі (аты-жөні өзгертілген). Қырғызстандық жігіт те автомобильдермен айналысатын болып шығады.
«Біз отбасы болып араласып, достарға айналдық. Біз Алматыдан Бішкекке бардық, олар бізге қонаққа келіп жүрді. Содан кейін ол маған Қытайдан Geely Manjaro маркалы автомобильдер сатып алуды ұсынды. Мен оған алдымен 14 мың доллар, содан кейін тағы 6 мың доллар, содан кейін тағы қаражат бердім», — деді Ахметжанов.
Қырғызстан азаматы ақша алғаннан кейін жақын арада көлік жеткізетінін айтқан. Бірақ көп өтпей хабарсыз кеткен.
«Әміраев есеп айырысуда қандай да бір мәселелер болып жатқанын, шоты бұғатталғанын айта бастады. Мен бір жылдан астам уақыт күттім. Кейін Аламудун ішкі істер бөліміне өтініш жаздым. Тергеуші Әміраев көрсеткен шоттың бұғатталғаны туралы қағаздың жалған екенін айтты», — деді қазақстандық.
Нұрмаз Әміраев бұған дейін қазақстандық «досына» өзінің жоғары лауазымды достары бар екенін, ҰҚК басшысы Қамшыбек Ташиевпен байланысы барын айтып мақтанған. Сонымен қатар, прокуратура қызметкерінің қызметтік куәлігін көрсеткен.
«Нұрмаз маған сыныптасы — Қырғыз Республикасы президентінің іс басқарушысы Қаныбек Тұманбаев екенін жиі айтатын. «Мен онымен Ыстықкөл қаласына жиі барып, кейбір жобаларды талқылаймын» дейтін», — деді Ахметжанов.
Қырғызстанда осы қылмыстық іске байланысты сот өткен. Сотта Әміраев тек 30 мың доллар беруге дайын екенін айтқан.
«Сот процесінде ол судьямен және прокурормен дос сияқты сөйлесті. Бір рет іс тергеуге жіберілді. Бірақ ештеңе өзгертілмеді және қайтадан сотқа қайтарылды. Мен бірнеше рет сотқа, ҰҚК-не, Бас прокуратураға және Қазақстан елшілігіне шағым жаздым. Бірақ ешқандай нәтиже болмады», — деді Ахметжанов.
Қазақстандық азамат Қырғызстанның жоғары билік органдарынан бұл істі жеке бақылауға алуды сұрайды.
Айта кетейік, Қырғызстанда 17 жастағы Айсулуу Мұқашеваны өлтірді деген күдікпен ұсталған 41 жастағы Құмарбек Абдыров бірнеше қылмысын мойындады. Тергеу дерегінше, ер адамның өзге де зорлық пен кісі өлтіру істеріне қатысы болуы мүмкін.
Жаңалықтар
- Бекіре балығы мен уылдырығын сатып алғандар да жазаланады
- Алматы көшесінде қолының қаны сорғалап жүрген адам жұрттың зәресін алды
- Еш жерде жұмыс істемей, жұртты бопсалап, уыс-уыс ақша шашып жүргендер сотталды
- Қазақ поэзиясының нәзік лирикасы — Күләш Ахметованың туғанына 80 жыл
- Филиппиннің экс-президенті 76 адамды өлтіруге қатысы бар деп айыпталды
- Танысын балталап өлтіріп, мәйітін кереуеттің астына тығып қойған әйелге үкім шықты
- Тоқаев «Таза Қазақстан» республикалық экологиялық акциясына қатысып, ағаш отырғызды
- Макрон Еуропаны «оянуға» шақырып, Ресей, Қытай мен АҚШ қарсылығын еске салды
- Ату жазасы АҚШ-та өлім жазасын орындау тәсілі ретінде қайта енгізілді
- Абай облысында жүргізушіге ескерту жасаған шекарашыны ұрып кетті
- Ақ үй Уиткофф пен Кушнердің Пәкістанға бет алғанын растады
- Талдықорғанда асханада болған жанжал әйел өлімімен аяқталды
- Алматының арықтары нөсер жаңбырды ағыза алмайды, әкімдік не дейді?
- Түркістан облысында турнирге бара жатқан балалар жолда опат болды
- Алматыда оқушы мектепке балта көтеріп келіп, оны адамдарға қарсы қолданбақ болған
- Астанада автобуста жолаушы ана мен балаға тап беріп, балағаттады
- Лобода мен Қайрат Нұртас бірлесіп трек жазды
- Бұрынғы Оңтүстік Корея президентіне 30 жыл түрме жазасы сұралды — БАҚ
- 52 адамның пойызда уланғанына байланысты көлік министрі жаңа ақпарат берді
- Тоқаев Alem.ai халықаралық жасанды интеллект орталығын аралады
