Қазақстан азаматы Берлин қаласында Ресей пайдасына тыңшылық жасады деген күдікпен ұсталды — Euronews

Қазақстан азаматы К.Сергей Германия астанасы Берлинде Ресей пайдасына тыңшылық жасады деген күдік бойынша ұсталды, деп хабарлайды Orda.kz Euronews-ке сілтеме жасап. 

Берлинде Федералдық прокуратураның мәліметінше, Ресейдің арнайы қызметі үшін тыңшылық жасады деген күдікке ілінген ер адам қамауға алынған. Ведомствоның айтуынша, ол 2025 жылдың мамыр айынан бастап Германия аумағында жүріп, Ресейдің арнайы қызметімен тұрақты байланыста болған.

К.Сергей К. құпия ақпараттарды, соның ішінде Германияның Украинаға көрсетіп жатқан әскери көмегі және неміс қорғаныс өнеркәсібі туралы мәліметтерді берген деген күдік бар. Атап айтқанда, ол ұшқышсыз аппараттар мен роботтарды әзірлейтін компаниялар жөнінде ақпарат таратқан.

Бұдан бөлек, ер адам Германияда диверсия жасауға қолайлы нысандарды бақылап, сондай-ақ саботаж және тыңшылықпен айналысатын топқа қосымша адамдарды тартуды ұсынған деген ақпарат бар.

Оқи отырыңыз: 

• Дәрігерлер өңешінде ине тұрып қалған сәбиге дер кезінде жәрдем берді
• Алматыда самокатшыларға қойылатын талаптар күшейтілді: Полиция қандай шешім қабылдады?