Қазақстан әскерінде жаңа жүйе: Әлімжеттікке қарсы жасанды интеллект

Қазақстан әскерінде әлімжеттікке қарсы жасанды интеллекті бар бейнесараптама жүйесі енгізіледі, деп хабарлайды Orda.kz.

Бұл туралы бүгін қорғаныс министрінің орынбасары Дархан Ахмедиев айтты. Министр орынбасарының мәліметінше, қазақстандық компаниялар айналысқан пилоттық жоба сәтті нәтиже көрсеткен. Жасанды интеллектпен жабдықталған жүйені келесі жылдан бастап кеңінен енгізу жоспарлануда.

Бұл бейне жүйе жеке құрам мен техниканың барлық қозғалысы мен әскери қызметшілердің орындарда болуын бақылайды.

«Алғашқы кезеңде бейнекамералар аналогтік жүйеден цифрлыққа ауыстырылады. Сондай-ақ әскери бөлімдердегі бейнебақылау қамтымайтын барлық аймақтар анықталып, бақылауға алынады»,  — деп нақтылады вице-министр.