Қазақстан Әлем кубогында спорттық гимнастикадан екі қола медаль жеңіп алды

Осиеке (Хорватия) спорттық гимнастикадан Әлем кубогы кезеңінде еліміздің атынан қатысқан спортшылар Милад Кәрими мен Нариман Құрбанов үшінші орынды иеленді, деп хабарлайды Orda.kz ҚР ҰОК-на сілтеме жасай отырып.

Милад Кәрими еркін гимнастикадан финалға шықты. Шешуші кезеңде Милад 13,966 ұпай жинады. Бұл нәтиже оған үшінші орын алуға мүмкіндік берді.

Нариман Құрбанов гимнастикалық ат үстіндегі жаттығулардың финалында үшінші орын иеленді. Құрбанов шешуші жарыста 14,233 ұпай жинап, Әлем кубогы кезеңін қоламен аяқтады. Зейнолла Ыдырысов бұл бағдарламада сегізінші орын иеленді.

Әлем кубогының төртінші кезеңіне 35 ел қатысты. Қазақстанның намысын Нариман Құрбанов, Зейнолла Ыдырысов (ат үстіндегі жаттығулар), Милад Кәрими (белтемірдегі жаттығулар мен еркін жаттығулар) және Асан Сәлімов (тірекпен секіру) қорғайды.