Қазақстан Әлем чемпионатында ауыр атлетикадан үздік үштікке енді

Манама қаласында өтіп жатқан ауыр атлетикадан ерлер және әйелдер арасындағы әлем чемпионаты өз мәресіне жетті. Қазақстандық атлеттер 2 алтын, 1 күміс медаль жеңіп алды, деп хабарлайды Orda.kz. 

Араға 10 жыл салып, 96 келі салмақтағы Нұрғиса Әділетұлы чемпион атанды. 102 келі салмақта Артем Антропов топ жарды. Ал Алексей Чуркин өз мансабында екінші мәрте Әлем чемпионатының жүлдесін иеленді.

Барлығы 92 мемлекет қатысқан бәсекенің жалпы жүлде кестесі бойынша, Солтүстік Корея - 9 алтын, 5 күміс, 2 қола иеленді. Екінші орындағы Қытай - 4 алтын, 2 күміс, 3 қола жеңсе, Қазақстан - 2 алтын,1 күмісті қанжығаға байлады. 

Бұған дейін 1993 жылдан бері қазақстандық спортшылар әлем чемпионатында 17 алтын, 9 күміс, 8 қола жүлдеге қол жеткізген.