Қазақстан АҚШ-қа 49 жылға жер береді

АҚШ Алматы аумағындағы жерді жалға алады, деп хабарлайды Orda.kz. 

Қазақстан АҚШ консулдығының үй-жайын салу үшін 70 мың шаршы метр жер береді. 

Келісімге былтыр 27 қыркүйекте Нью-Йоркте Қазақстан мен АҚШ үкіметтері арасында қол қойылған. Тиісті заң жобасы бүгін мәжілісте қаралды. Ол бойынша Алматыда АҚШ консулдық мекемесінің үй-жайларын салу үшін сол елдің үкіметіне жер учаскесін жалға беру туралы келісім ратификациялануы керек.

Келісімнің мақсаты – АҚШ үкіметіне Алматы қаласындағы АҚШ консулдық мекемесінің үй-жайларын салу және пайдалану үшін 49 жыл мерзімге ауданы 70 мың шаршы метрден асатын жер учаскесін жалға беру.