Қазақстан 2035 жылға қарай туберкулезді толығымен жоюды мақсат етіп отыр

Ауру қазірдің өзінде шегініп, жаңа ауру жұқтырғандар 4,6 есеге, өлім-жітім 19 есеге қысқарды, деп хабарлайды Orda.kz.

24 наурызда Дүниежүзілік денсаулық сақтау ұйымы (ДДСҰ) бекіткен Дүниежүзілік туберкулезге қарсы күрес күні аталып өтеді.

Дүниежүзілік денсаулық сақтау ұйымының есебінде ауруға шалдыққандар саны бойынша Үндістан (26%) көшбасшы болып қала береді, одан кейін Индонезия (10%), Қытай мен Филиппин (әрқайсысы 6,8%) және Пәкістан (6,3%).

Соңғы уақытта туберкулез қайтадан әлемдегі ең қауіпті жұқпалы ауруға айналып, COVID-19-ны екінші орынға ысырды.

Дегенмен, Қазақстанда жағдай әлдеқайда жақсы: ел туберкулезді сәтті емдеу бойынша әлемдік көшбасшылардың ондығына кіреді. Республика 2035 жылға қарай ауруды толығымен жеңу міндет етіп қойды. 

Бұл мақсатқа жету үшін қазақстандық дәрігерлер заманауи технологияларды – нақты молекулалық-генетикалық диагностикадан бастап, соңғы дәрілерге дейін қолданады.

Аталған шаралар нақты нәтижелер беруде: соңғы алты жылда Қазақстанда туберкулезбен сырқаттанушылық 27%-ға, аурудың таралуы 32,1%-ға төмендеді. 20 жыл ішінде жаңа аурулар саны 4,6 есеге, ал өлім-жітім 19 есеге жуық азайды.

Жергілікті мамандар үшін әлемдік жетекші дәрігерлер мен ғалымдардың қатысуымен шеберлік сабақтары тұрақты ұйымдастырылады. Әлемде 100 жылдан астам табысты қолданылып келе жатқан БЦЖ вакцинасы (Bacillus Calmette-Guerin) аурудың тиімді профилактикасы болып қала береді.

Қазақстанда бұл вакцинамен балалардың 90 пайыздан астамы қамтылған.

Бұған дейін Шығыс Қазақстан облысында жарты жылда 10 адам туберкулезден қайтыс болған.